بيوتات الكيمياء التعليمية - عرض مشاركة واحدة - معنى المول
الموضوع: معنى المول
عرض مشاركة واحدة
  #2   -->
قديم 23-10-2009, 06:22 AM
الصورة الرمزية لـ bytocom
bytocom bytocom غير متصل
مدير المنتدى
 
تاريخ الانتساب: 05 2003
المكان: مكة المكرمة
مشاركات: 1,486
bytocom على طريق التميز و النجاح
افتراضي

وعليكم السلام

لو سألتك بتعرفي الألف قد ايه؟

حتقولي آه بسيطة، الألف عدد يساوي واحد وأمامه ثلاث أصفار 1000

طب والمليون؟

حتقولي المليون عدد يساوي واحد وأمامه ست أصفار 1000،000

طب والمووووووول ؟

بأقولك المول برضك عدد لكنه عدد كبير خالص

عدد بيساوي 602000000000000000000000 واختصاراً بنكتبه كذا 6.02 × 10 أس 23

يعني لما نقول ( مول من ذرات الكربون ) ده بيساوي 6.02 × 10 أس 23 ذرة كربون

طب قوليلي انتي؟ مول من جزيئات الماء بيساوي كام؟

حتقولي بيساوي = 6.02 × 10 أس 23 جزيء ماء.

صح يا أسماء ... شاطره ..

ده هو المول ببساطة.

طيب إيش حكاية الكتلة الجزيئية دي؟

المول الواحد من أيّ مادة بيساوي كتلته الذرية لو كانت مكونة من ذرات، وكتلته الجزيئية لو كان مكون من جزيئات ( بوحدة الجرام ).

مثال1:
الكتلة الذرية للكربون = 12 و.ك.ذ ( دي كتلة ذرة وحده )
وكنلة المول الواحد منه = 12 جرام ( دي كتلة مول يعني كتلة 6.02 × 10 أس 23 ذرة كربون )

مثال2:
الكتلة الجزيئية للماء = 18 و.ك.ذ ( دي كتلة جزئ واحد )
وكتلة المول الواحد منه = 18 جرام ( دي كتلة مول يعني كتلة 6.02 × 10 أس 23 جزئ ماء )

وهكذا...

يارب يكون فهمتي
رد مع اقتباس